Bjöllusauður

Gleðilega páska

Sun, 12 Apr 2009 11:49:21 GMT

Er hér með hætt að skrifa á þessa blessuðu síðu.. alla veganna í bili. Ef þið viljið fréttir af mér eru þær að finna á KEA síðunni. (Linkurinn er hér til vinstri)

á kea árshátíð

bless í bili

Goði Svarfdal Héðinsson

Thu, 05 Mar 2009 08:20:32 GMT

Þessi litli dúddi fæddist 3. mars að nóttu til. Var 14 merkur og 50 cm. Fékk strax nafnið Goði Svarfdal Héðinsson. Það er tilhlökkunarefni að komast suður og hitta kappann.

kv. Sigga fö

Er á Akureyri

Fri, 06 Feb 2009 15:38:44 GMT

Svona eru dagarnir mínir:

Klára verkefni. Anda léttar. Kíki á næsta dag í skóladagbókinni og bölva. Annað verkefni á dagskrá.

Af þessum sökum verður ekki bloggað neitt á næstunni.

ps. er allt í einu orðin svolítið fullorðin...

Bragur og listin að yrkja

Wed, 28 Jan 2009 16:03:35 GMT

Háa skilur hnetti
himingeimur,
blað skilur bakka og egg.
En anda, sem unnast,
fær aldregi
eilífð að skilið.

Þetta er magnað!

Getraun: Hver semur og í hvaða kvæði? + ef þið vitið formið líka.

Freyja

Tue, 20 Jan 2009 20:01:31 GMT

Er heima hjá Lárusi og co. og við erum að horfa á fréttatímann. Þegar veðurfréttadúddinn mætir á svæðið segir Freyja "þessi er alveg eins og pabbi" hún fær viðbrögðin frá pabba sínum "finnst þér það?" hún segir "já, hann er með hárið svona út, alveg eins og þú". Þá segir Þóra Sif: "mér finnst pabbi þinn nú sætari" og Lárus er fljótur að samþykkja þá yfirlýsingu. Ég spyr Freyju "Finnst þér ekki veðurdúddinn sætari?" þá segir mín: "nei, mér finnst þetta bara alveg ömurlegt!" Við gátum ekki annað en hlegið að þessu svari sem hún hefur eflaust náð í úr fréttunum af mótmælunum á Austurvelli, sem voru rétt á undan veðurfréttunum. Já blessuð börnin eru klókari en við höldum!

Góður tími

Sun, 11 Jan 2009 22:19:06 GMT

Já Þórhildur mín það er víst kominn tími á nýja færslu, það er nú alveg rétt hjá þér.

Jólin voru náttúrulega allt of góð.. nú vil ég helst vera alltaf í fríi. Lesa, spila, borða og horfa á sjónvarpið. En þannig er nú það að maður fær ekki alltaf það sem manni langar svo hér er ég, í borg óttans að undirbúa fáránlega erfiða önn og jú jú að undirbúa nammibindindi..svo í kvöld verður hamstrað!

Það var að sjálfsögðu mjög gott að koma heim til Íslands til vina og ættingja. Hér kemur smá upptalning á atburðum jólanna: skreyta jólatré, borða möndlugraut (fékk ekki möndluna), stara á pakkana (og þukla bara smá), jólamessa, borða jólamatinn, opna pakkana, veislur, veislur, veislur, borða, borða, borða, ofurteiti með stjórninni (þar sem Eddu tókst að gera allt vandræðalegt!), spila smá, dansa fram á nótt á háum hælum (stolt Ásta?), skírn hjá Eddu Júlíönu (sem reyndi að borða biblíuna) og svo var það amma.. elsku amma:

Hún amma mín var í syngjandi sveiflu þessi jólin. Hafði ekki áhyggjur af peningum (en fyrir þá sem ekki vita þá eru peningar hennar uppáhalds umræðuefni.. sérstaklega um hvernig hún á að spara þá) og af þeim sökum breyttist hún í manneskju sem engin okkar kannast við. Hún vildi kaupa slopp af mömmu á 15.000 krónur (en mamma hefur átt umræddann slopp í tíu ár og hann er orðinn frekar hnjaskaður), hún tilkynnti það að hún ætlaði að splæsa á sig heyrnatæki (sem hún hefur alltaf þverneitað að kaupa því það er svo dýrt) og svo vildi hún kaupa sér nýja inniskó og bók sem kom út fyrir jól sem hún var mjög leið yfir að hafa ekki fengið í jólagjöf (hér ætla ég að taka fram að amma á mjög erfitt með að halda uppi bókum sem eru ekki í kiljuformi, þannig að sjálfsögðu datt okkur ekki í hug að gefa henni þessa bók í jólagjöf). Allt þetta kaupatal fór fram mjög ess-mælt þar sem að amma nennir ekki alltaf að hafa góminn uppi í sér, en á gómi þessum má finna framtennur ömmu. Amma hefur eflaust sagt meira skemmtilegt en það fór því miður fram hjá mér því ég hló svo mikið af ess-málinu. Nú hugsa eflaust margir "jii hvað hún er dónaleg að hlægja svona upp í opið fésið á ömmu sinni". Engar áhyggjur. Henni hefur ekki þótt það neitt athugavert því hún hefur margoft sagt að ég hlægji alltaf á svo óviðeigandi tímum.

Nú verð ég að taka fram að amma er aftur orðin sama gamla amman því hún er hætt við að kaupa heyrnatækið (sloppinn fékk hún frítt) og er farin að vara okkur við að jólagjafirnar næst verða af skornum skammti.

Ætlaði að setja inn myndir en myndasnúran er á Akureyri.. það verður að bíða betri tíma.

Brighton

Wed, 17 Dec 2008 18:41:46 GMT

Það var náttúrulega frábær tilfinningin að koma úr lestinni og sjá smettið á Þórhildi, brosandi, að taka á móti mér! Klukkan var ansi margt og ég dauðþreytt eftir erfiðan dag: kveðjustund, grátur í rútu (þegar ég las öll skilaðboðin sem krakkarnir skrifuðu til mín), barnapössun í flugi (konan við hliðina á mér var hress Breti með sex mánaða gamlan snáða sem hún var óhrædd við að skilja eftir hjá mér þegar hún fór á settið og að ná sér í meiri hvítvín og svona), hlaup á lestarstöð (því ég missti næstum því af lestinni til Brighton) og svo lestin til Brighton (sem ég var óþreygjufull að komast úr til að hitta Tótu fljótu). Svo ég hitti ekki Eddu Júlíönu þetta kvöldið, heldur fór beint að sofa.
   Vaknaði samt eldsnemma daginn eftir því ég heyrði að sú stutta var komin á fætur. Þannig að ég skellti mér fram úr og reif litlu snúlluna úr fanginu á Þórhildi. EJ var eldhress með það og við hlógum saman í tíu mínútur.
   Á þessari viku minni í Brighton erum við búin að ná að brasa margt. Kaupa allar jólagjafir (svona um 35 stykki), baka smákökur, mála piparkökur, halda litlu jól, fara til London og svo bara spranga hér um götur Brighton.
   Nú er bara komið að heimferð á morgun og maður trúir því varla sjálfur.. Ísland aftur eftir allann þennann tíma!
   Enda svo Brighton færslu á nokkrum góðum Jóa sögum:

Þegar við vorum að spila sagði minn: "það hefur aldrei verið nein spilamenning á mínu heimili, þess vegna er ég svona lélegur. Ja eða bara svona vitlaus."
Í sama spili missti Þórhildur glasið sitt með miklum látum (eins og henni einni er lagið). Jói er greinilega allvanur þessu og sagði mjög ákveðið: "Þórhildur, settu glasið inn í eldhús!!"
Þegar við vorum á leið til London sagði Jói: "Alveg typical að ég sé með kvef á leiðinni til London" Við Þórhildur sprungum úr hlátri þar sem að Jói er búin að vera með kvef í viku, og okkur fannst meira típískt að það væri svona vont veður.. en nei nei.. þetta var alveg typical!
Fórum og fengum okkur hádegismat í Marks og Spencer í London að ósk Jóa. Þar dásamaði hann þessari keðju í sí og æ og benti okkur á allt sem að þar var hægt að versla: "sjáið, þarna er hægt að kaupa blóm!" Við bentum honum á að hann yrði góður auglýsingarfulltrúi fyrir keðjuna og leist honum eigi svo illa á.

Takk fyrir mig Þórhildur, Jói og Edda Júlíana!!

Komið að kveðjustund

Sun, 07 Dec 2008 16:51:57 GMT

Nú eru bara þrír dagar þangað til ég fer til Þórhildar.. og mjög mikið að gera. Svo þetta verða lokaorðin frá Noregi! Ótrúlegt hvað tíminn er fljótur að líða og margt búið að ske. Nú var ég til dæmis að koma heim eftir að hafa verið í skíðaferð um helgina. Þannig að nú ætla ég að pakka dótinu mínu, þrífa herbergið, fara svo til að horfa á lokaþáttinn af Robinson og svo demba mér í próf á morgun og hinn. Hér koma svo nokkrar myndir af mér við íþróttaiðkun þessa önnina:

Þar hafið þið það... ég er víst íþróttagarpur!!

Best að enda þetta svo á tilvitnun í Pílu Pínu:

"Hér var gott að gista, glaður vinahópur.
Þakka frændum fyrir kynni góð.
Héðan mun ég halda, heimabyggðin kallar.
Vindur berðu vinum þetta ljóð."

Jessheim

Mon, 01 Dec 2008 16:43:03 GMT

Það var svo notalegt að vera hjá Þóru frænku um helgina. Féll auðvitað á nammibindindinu þar sem freistingarnar voru of margar. Á föstudeginum fór ég að skoða nýju verslunarmiðstöðina í Jessheim. Orðin þvílíkt stór, held þriðja stærsta verslunarmiðstöðin í Noregi eða eitthvað svoleiðis. Þar sem ég var í sakleysi mínu að skoða á búðarglugga kom að mér kona og bað mig um að svara spurningum fyrir eitthvað blað. Ég sagði ok við því en panikkaði svolítið og gleymdi Smáralindini þegar hún spurði hvort við Íslendingar ættum svona storsenter. Þannig að ég sagði að við ættum eina verslunarmiðstöð og var þá með Kringluna í huga. Það er svo sem allt í lagi.. þeir Íslendingar sem eiga eftir að lesa þetta halda bara að það sé búið að loka öðrum miðstöðvum í kreppunni.

Svo í gær þegar ég kom aftur í Notodden neyddist ég til að labba í gegnum skóginn, ein, í myrkri!! Var skíthrædd og hringdi í Eddu og lét hana tala við mig í þær tuttugu mínútur sem það tekur að fara í gegnum skóginn. Segið mér svo hvort þetta sé ekki drungalegt?

ps. mamma hringdi um helgina og sagði mér að hún væri búin að þrífa hurðirnar uppúr edikvatni... þannig að ég losna við það þessi jólin!

Heldur betur stuð dagur

Tue, 25 Nov 2008 14:40:51 GMT

Byrjuðum á því að fara á skauta á næstu tjörn.. frekar skelfilegt að skauta og heyra brestina á ísnum við sprungumyndanir. Tók kennarann smá stund að sannfæra okkur um að þetta væri alveg óhætt. Eftir að það tókst hófum við ísknattleik. Ég skoraði tvö glæsileg mörk, annað með því að pota boltanum í gegn eftir að hann festist á milli skautana hjá mér og það seinna með því að detta á boltann og renna svo inn í markið, bæði ég og boltinn! (Nú eru hnéin á mér frekar marin og blá!)

Svo fórum við inn og dönsuðum og lékum okkur. Lærðum ofurdansinn "contact disco" sem var svaka stuð. Fórum svo á air track brautina og skemmtum okkur konunglega. Ég þorði þó ekki að gera eins mikið og hinir!

Vika í norskum skóla

Tue, 18 Nov 2008 15:56:15 GMT

Þetta væri stuð vika ef ég þyrfti ekki alltaf að vakna klukkan sex og labba síðan upp á fjall!! Í dag sá ég um einn íþróttatíma, sagði liðinu frá lélegu efnahagslífi Íslendinga og svo fórum við í göngu upp á næsta fjallstopp.. (sem var nú ekki svo löng ganga þar sem að skólinn sjálfur er svo hátt uppi) En frá fjallstoppnum var fallegt útsýni yfir Notodden:

Fyrri myndin er séð yfir bæinn, en sú seinni er í hina áttina.. þetta var töff dagur þar sem það var ískalt, sól og svo þoka sem gerði allt svolítið ævintýralegt. Ég sagði Florian (meðleigjanda mínum) að akkúrat í þoku gerast hlutirnir, að maður geti heyrt útburðina væla og svona. Hann sagði nú bara: "hvað er að ykkur Íslendingum?" Ég var nefnilega ný búin að fræða hann um Grýlu og Jólaköttinn og hann sagðist bara ekkert vera hissa að ég væri svona myrkfælinn, þar sem að allt á Íslandi snýst um að hræða lítil börn.. Haha maður getur ekki annað en verið stoltur af landinu sínu!

kv. Sigga Ásta

Informasjon for mine norske slekt.

Mon, 10 Nov 2008 16:53:16 GMT

I dag er den 10. november og jeg har vært her i Norge i 90 dager. Det betyder at jeg skal gå hjem etter kun en måned. I dag fik vi at vite at vi skal skrive en veldig stor rapport for den 1. desember og jeg har ikke started (ja, faktiskt viste vi det hele tiden men i dag fik vi at vite litt mer). Nu tenker mange.. "men hun har jo nesten tre uker" Men det har jeg ikke, fordi en av denne tre uker skal jeg ha sånn praksis i skole. Og ja, jeg skal også gjøre en rapport fra den. Så nu skal jeg bara være inne hele dagen i tre uker og gjøre alle mine lekser (foruten når jeg går på besøk til mine tante Þóra og alle hennes "afkomendur" (fann ingen ord for det.. så nu trenger jeg litt hjelp, hvis dere vet hvad "afkomendur" betyder)). Men det er helt greit, fordi at jeg har ju vært ute hele tiden siden jeg kommt her. Men nu skal jeg spise litt for jeg går til naboen at se på norske top modelen og Ylvis møter veggen.

Klem,
Skásta (eller Sigga litla)

ps. håper det er ikke alt urett.

Skjáni í Noregi!

Mon, 03 Nov 2008 13:03:14 GMT

Á föstudeginum 31. október mætti Kristján hingað til Notodden. Aldeilis gaman að fá heimsókn og eiginlega stórfurðulegt að tala íslensku hérna. Á föstudeginum bjó ég bara til mat handa okkur og bakaði svo köku í eftirrétt og nokkrir Norsarar komu og borðuðu hana með okkur. Síðan fórum við bara snemma að sofa þar sem að Kristján var nú nokkuð þreyttur eftir ferðalagið.

Hér er Kristján ný kominn úr lestinni.

Á laugardeginum fórum við svo til Osló að túristast. Skoðuðum óperuna, konungshöllina, Vikelandsparken og svo ætluðum við að fara á Munch safnið.. en það varð nú ekkert úr því. Þannig var það að ég var með kort og sá þar skrifað stórum stöfum Munch.. ég sá að það var ekki svo langt í burtu svo ég sagði við Kristján að við gætum vel labbað þangað. Þegar við komum svo á svæðið þá var þetta ekki Munch safnið heldur kirkjugarður!! Þar fundum við leiði Edward Munch, Henrik Ibsen og Bjørnstjerne Bjørnsson. Sem sagt ágætis skemmtun en ekki alveg það sem við höfðum í huga.

Ég og Kristján í góðu gamni í kirkjugarðinum:)

Svo fórum við bara heim um kvöldið og höfðum videokvöld. Daginn eftir fórum við svo í gönguferð í góða en kalda veðrinu og svo þegar við komum heim úr göngunni þá bjó ég til klatta handa okkur og íbúðarfélögunum. Þegar var svo kominn tími til að skila Kristjáni á rútustöðina þá var rútan náttúrulega allt of sein. Kristján náði ekki næstu rútu og varð allt of seinn á flugvöllinn! Pínu svona stress en allt fór vel.

Kveðja Sigga Ásta

ps. Hassan, jeg lover at neste blog skal være på norsk!

Hún á afmæli í dag!!

Tue, 28 Oct 2008 18:54:03 GMT

Í dag á mín yndislega móðir afmæli... Til hamingju mamma!!!

Af þessu tilefni ætla ég að syngja fyrir hana norska afmælissönginn... verst að þið heyrið það ekki!

Hurra for deg som fyller ditt år,
Ja deg vil vi gratulere.
Alle i ring om kring deg vi står,
å se nå vil vi masjere.
Bokke, nikke, neie, snu oss omkring,
Danse for deg med hopp og sprett og spring.
ønske deg av hjerte alle gode ting,
og si meg så hva vil du mere.
Gratulere!

Mín versta martröð.

Tue, 21 Oct 2008 10:11:03 GMT

í dag í leikfimi höfðum við fimleika!! Basic ball skills og oriantering er peace of cake miðað við fimleika. Ég hef náttúrulega alltaf verið hrædd við þessa skelfilegu grein frá því að leikfimiskennarinn minn í 4. bekk lét mig (og þá meina ég neyddi mig til) að standa á höndum sem endaði með því að ég féll niður og brákaði hendi í leiðinni. Þetta er hinn sami kennari og lét mig æfa mig heima að taka handahlaup. En alla veganna.. í dag höfðum við fimleika! Þegar ég sá hvað kennarinn var búinn að undirbúa (hesturinn kominn fram, kubbur, dínur hér og þar og fjandans stökkbrettin sem virka ekki fyrir fimmaura) hvítnaði ég í framan og reyndi að láta lítið fyrir mér fara út í horni. Það gekk ekki betur en svo að kennarinn bað mig sérstaklega að hoppa yfir kubbinn með hans hjálp og allir hinir horfðu á!! Frábært!! Ég náttúrulega varð að gera eins og hann sagði en það fór svo að ég tók langt tilhlaup, hoppaði á stökkbrettið og sveif upp í loftið. Ég komst ´þó ekki yfir fjandans kubbinn heldur pompsaði beint ofan á hann. Vandræðalegt. Kennaranum þótti þetta þó vera kjörið tækifæri til þess að sýna hinum hvað kennari á að gera með svona nemanda.. svo hann lét mig gera þetta aftur og aftur þangað til það tókst (tók þrjár tilraunir). Eftir að þetta tókst þá var ég ánægð með sjálfa mig og vildi ekki gera meir og hélt að þar með myndi ég sleppa við frekari athygli frá hinum. Það fór ekki svo því eftir mitt fína síðasta stökk kom Alvaro (baskinn) að mér með hendurnar út og ég bjóst við að hann vildi faðma mig og segja "flott Sigrid". Í staðinn tók hann mig upp á herðar sér og snéri mér í hringi.. Allir horfðu á og hlógu.. mér var hins vegar ekki skemmt þar sem að mér varð flökurt við uppátækið.. þar með rættist önnur af mínum verstu martröðum.. hringtæki!! Best að ég byrji nú ekki að ræða um þann ósóma.

ps. það lýtur út fyrir að ég sé að fara að gera lokaverkefnið mitt um íþróttir!!